Ц.ГАНЗОРИГ: БНХАУ-д үйлдвэрлэсэн Синофарм компанийн вакцин өнөөдөр 22:00 цагт манай улсад ирнэ

2021-02-22, 2173

Коронавирусийн нөхцөл байдлын талаар мэдээлэл өгөх үеэр Засгийн газрын Хэвлэл мэдээлэл, олон нийттэй харилцах албаны дарга Ц.Ганзориг БНХАУ-д Синофарм компани, Бээжингийн биотехнологийн хүрээлэнгийн хөгжүүлсэн Verocell вакциныг Монгол Улсад авчрах тухай ярилаа. Уг вакцин ДЭМБ-аас зөвшөөрөл нь гарахаар хүлээгдэж байгаа

Тэрбээр "БНХАУ-д үйлдвэрлэсэн Синофарм вакцин өнөөдөр орой 22:00 цагт манай улсад ирнэ. Уг вакциныг ДЭМБ-аас зөвшөөрөл нь гарахаар хэрэглэнэ. АстраЗенека вакцины зөвшөөрөл нь гарсан учир маргаашнаас вакцинжуулалт хийж эхэлнэ. Зөвшөөрөл нь гармагц дархлаажуулалтыг эхлүүлэхэд бэлэн байхын тулд татан авч байна гэсэн үг. ДЭМБ-ын зүгээс ээлж дараатай вакцинуудад зөвшөөрөл олгож байгаа. Улс орнууд Хятад, Оросын вакциныг хэрэглээд эхэлсэн. Бид вакцинаа бэлдэж, таталтаа хийж байгаа учир зөвшөөрөлгүй вакцин иргэддээ тарина гэсэн үг биш. АстраЗенека вакцин ДЭМБ-аас зөвшөөрлөө авсан. Мөн Файзер зөвшөөрлөө авсан учир удахгүй орж ирнэ.

Манай улс БНХАУ-д үйлдвэрлэсэн Синофарм, ОХУ-д үйлдвэрлэсэн Спутник-5 болон Файзер, АстраЗенека хэмээх дөрвөн төрлийн вакциныг хадгалах дэд бүтцийг шийдвэрлэж, бэлтгэлийг бүрэн хангасан байгаа" гэлээ.

Ц.ГАНЗОРИГ: БНХАУ-д үйлдвэрлэсэн Синофарм компанийн вакцин өнөөдөр 22:00 цагт манай улсад ирнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2021-02-22 18:26:42

Иргэн: Хаягдах нь дээ, ард иргэд хийлгэхгүй гээд бгаа ш дэ. Мэдсэн үү
Сэтгэгдэл үлдээсэн: 2021-02-22 15:40:59

12345: Zobshooroogui yumiig yund ni abdgiin xulxi baraatai aguulga ijil busuu