Худалдаа хөгжлийн банк Астра зенека болон ОХУ-ын спутник-5 вакцины 200 мянган тунг банкныхаа зардлаар оруулж ирэн, харилцагчдаа үнэ төлбөргүйгээр вакцинжуулна гэж мэдэгдлээ.

Худалдаа хөгжлийн банкны гүйцэтгэх захирал О.Орхон “Цагаан сарын баярын босгон дээр харилцагч нартаа нэгэн сайхан мэдээг дуулгахад баяртай байна. Монгол Улсад цар тахал нүүрлэж, иргэд, аж ахуйн нэгж байгууллагуудын бизнес хумигдаж байгаа энэ хүнд цаг үед Худалдаа хөгжлийн банкны 30 жилийн ойг тохиолдуулан, мөн нийгмийн хариуцлагынхаа хүрээнд нийт 200 мянган харилцагчдаа дэлхийд үйлдвэрлэгдэж байгаа Астра зенека болон ОХУ-ын спупник-5 вакцины тунг банкныхаа зардлаар ойрын хугацаанд оруулж ирэн, вакцинжуулах ажлыг зохион байгуулна гэдгээ дуулгахад тун таатай байна.

Ирж буй үхэр жилдээ банкны маань харилцагчид болон нийт ард түмэндээ эрүүл энх, ажил үйлс нь бүтэмжтэй байж, эдийн засгийн хямралаас гарч, бизнесийн үйл ажиллагаа нь улам өргөжих болтугай гэж ерөөе. Та бүхэн минь сар шинэдээ сайхан шинэлээрэй” гэв.