Нийслэлийн онцгой комиссоос бүх нийтийн бэлэн байдлын зэрэгт шилжих өдөр буюу хоёрдугаар сарын 11-нээс эхлэн  “Нэг хаалга-Нэг шинжилгээ” тандалт илрүүлгийн ПГУ /PCR/ шинжилгээг ХӨСҮТ болон НЭМГ хамтран нийт 210 цэгт зохион байгуулахаар болсон.

Тэгвэл иргэдээс коронавирусийн илрүүлгийн шинжилгээ авах тус ажлыг өнөөдөр Баянзүрх дүүргээс эхлүүллээ. Тус дүүргийн 22 хорооны 26 мянга 990 өрхийн иргэнийг шинжилгээнд хамруулах бөгөөд гурав хоног үргэлжлэх юм. Тодруулбал, Баянзүрх дүүргийн I-X, XII, XIV-XVIIII, XXI, XXII, XXV-XXVIII хорооны сонгогдсон байршлын иргэдээс хороодын иргэний танхимд байрлах байнгын цэг болон явуулын цэгүүдээр шинжилгээ авна. Бусад хороод болон сонгогдсон хороодын дурьдагдаагүй байршлуудад амьдардаг иргэд шинжилгээнд хамрагдахгүй юм байна.

Хатуу хөл хорионы хугацаанд иргэдэд шаардлагатай мэдээлэл хүргэх, санал гомдлыг нь сонсох, шуурхай шийдвэрлэхээр НЗДТГ-ын www.ulaanbaatar.mn албан ёсны вэб, “Нийслэлийн мэдээ” фэйсбүүк хуудсанд Chatbot үүсгэсээд байгаа. Түүнчлэн, 1800-1200 дугаарт 24 цагийн турш CallCenter ажиллаж, найман сувгаар иргэдэд тандалт илрүүлгийн шинжилгээ, хүнсний худалдаа, үйлчилгээ, тээвэрлэлт, түгээлт, авто тээврийн шалган нэвтрүүлэх товчоод, сайжруулсан шахмал түлштэй холбоотой асуудлаар мэдээлэл өгөх юм.