Эрүүл мэндийн яамнаас мэдээлэл хийх үеэр ХӨСҮТ-ийн Тандалт, судалгааны хэлтсийн дарга А.Амбасэлмаа БЗД-ийн 17 дугаар хороонд халдварын голомт идэвхтэй байна гэдгийг онцоллоо. Тэрбээр "Энэ хороонд гурван гэр бүлийн 10 гаруй хүн өвчилсөн. Үүнээс гаралтай тус дүүргийн IX хороонд  хэд хэдэн хүн өвчилсөн. Тиймээс  БЗД-ийн 17 хорооныхонд  БГД-т хийсэн шиг эрт илрүүлгийн шинжилгээ хийж, голомтыг барьж авах, тараахгүй байх арга хэмжээ авна.Өнөөдрөөс эрт илрүүлгийн шинжилгээг эхэлж байна. Түүнчлэн байгууллага аж ахуйн нэгжийн тархалт өндөр байгаа" гэв.

Түүнчлэн БЗД-ийн 17 дугаар хорооны ажилтнаас халдвар илэрсэн тул хорооны бүх ажилтанг шинжилгээнд хамруулахаар болжээ.