Японы Сүмогийн холбооноос Хакүхо М.Даваажаргалыг коронавирусийн халдвар авсан болохыг албан ёсоор мэдээллээ. Одоогийн байдлаар түүнээс гадна эхнэр, хоёр хүүхдээс нь шинжилгээ аваад байгаа аж. Түүнчлэн Японы Сүмогийн холбооноос бөхчүүдээ шинжилгээнд хамруулах ажлыг хэд хэдэн удаа зохион байгуулаад байна. Тэрбээр өнгөрсөн оны арваннэгдүгээр сарын башёд “Барилдах боломжгүй” гэдгээ зарласнаар 17 удаа дараалан башёг алгассан үйл явдал болсон юм. Түүнийг 17 удаа башёд зодоглоогүй уг үйл явдлыг Сүмогийн холбооноос эсэргүүцэж, хатуу сануулга өгөөд байсан. Их аварга М.Даваажаргал нь ням гарагт Токио хотноо эхлэх шинэ оны башёд оролцохоор бэлтгэлээ базааж байхад нь үнэрлэх, амтлах мэдрэмж алдагдаж, PCR шинжилгээ өгөхөд халдвар илэрсэн гэнэ. 

Японы сүмо бөхийн их аварга Хакүхо М.Даваажаргал хоёр жилийн өмнө Монгол Улсын иргэншлээс татгалзаж, Япон Улсын иргэн болох шийдвэр гаргасан.  Тэрбээр өөрийн гэсэн дэвжээгээ байгуулж, шавь нараа бэлтгэхийн тулд заавал Япон Улсын иргэн байх ёстой гэсэн Сүмо бөхийн холбооны дүрмийн дагуу  ийм шийдвэр гаргасан гэдэг.