Францчууд уламжлалт аргаар өвөрмөц хэв маягтай шилдэг талх, нарийн боов хийх жорыг боловсруулж үйлдвэрлэлдээ хамгийн шинэ, өндөр чанартай түүхий эд, байгалийн орц найрлагыг ашигладаг гэдгээрээ хэзээнээс алдартай.

2021 онд НҮБ-ын Соёлын байгууллага болох ‘‘ЮНЕСКО’’ багетыг ‘‘Гар аргаар жигнэх аргыг хойч үедээ өвлүүлэн үлдээх баталгаа мөн’’ гэж үзсэн тул соёлын өвийн жагсаалтад бүртгэжээ. Францчуудын бүтээсэн хөлдөөх технологийн тусламжтайгаар гэрийн эзэгтэй нар, рестораны тогоочид багет, круссаныг хүссэн үедээ жигнэж халуунаар нь хэрэглэж боломжтой болжээ.

Тэгвэл ‘‘Скай Хайпермаркет’’ ХХК буюу Имарт нь Францын тансаг гурилан бүтээгдэхүүн сонирхогч хүн бүрийг 2024-06-16-ны өдөр бүх салбар дэлгүүрүүдэд зохион байгуулагдах шинэ бүтээгдэхүүний танилцуулах өдөрлөгтөө урьж байна.