“Шинэ-Өргөө” хотхоны тоглоомын талбайд тоглож байсан 6-9 насны дөрвөн хүүхдийг приус-20 маркийн автомашины жолооч дайрсан гэх мэдээлэл бий. Энэ талаар ЦЕГ-ын Хэвлэл мэдээллийн албаны мэргэжилтнээс тодрууллаа. Тэрбээр “Хан-Уул дүүргийн дөрөвдүгээр хорооны нутаг дэвсгэрт байрлах “Шинэ-Өргөө” хотхоны толгоомын талбайд тоглож байсан дөрвөн хүүхдийг приус-20 маркийн автомашины жолооч дайрч, гэмтээсэн гэх мэдээлэл 13:10 цагт цагдаагийн байгууллагад ирсэн. Дуудлагын дагуу шалгалтын ажиллагаа явуулж, осолд өртсөн дөрвөн хүүхдийг эмнэлэгт яаралтай хүргэсэн. Урьдчилсан байдлаар осол гаргасан жолооч эрүүл байсан нь тогтоогдсон. Гэхдээ жолоочоос дэлгэрэнгүй шинжилгээ авахаар ажиллаж байгаа” гэв.