Дуучин “Big Gee” буюу Т.Мөнх-Эрдэнийн бие даасан дөрөв дэх тоглолт энэ сарын 24-нд Төв цэнгэлдэх хүрээлэнд болсон билээ. Тоглолтын үеэр уран бүтээлч “Desant” буюу Г.Батболд согтуурсан байдалтай тайзан дээр хэвтэж, хүмүүсээр түшүүлж босож байгаа бичлэг олон нийтийн сүлжээгээр цацагдсан. Ингэснээр сонсогчид түүнийг “Мансуурсан байна, согтуурсан байна” хэмээн шүүмжилж буй. Тухайн үед чухам юу болсон талаар түүний бие төлөөлөгчөөс тодрууллаа.

    Тэрбээр “Манай уран бүтээлч найзынхаа тоглолтын үеэр сэтгэл нь маш их хөдөлсөн байсан. Тухайн үед ганц, хоёр шар айраг уусан байсан нь үнэн. Харин мансууруулах бодис буюу хар тамхины төрлийн зүйл огт хэрэглээгүй. Манай уран бүтээлч мансууруулах төрлийн зүйл сонирхдоггүй. Тийм учраас иргэд, сонсогчид дээрх асуудлыг зөвөөр ойлгох хэрэгтэй” гэв.