Монгол Улс Холбооны Бүгд Найрамдах Герман улстай дипломат харилцаа тогтоосны 50 жилийн ой энэ онд тохиож байна. Энэ хүрээнд ХБНГУ-ын Гадаад харилцааны яам, Бавари мужийн захиргаа болон Оберфранкен Стифтунгийн дэмжлэгтэйгээр хоёр улсын дүрслэх урлагийн уран бүтээлчдийн хамтарсан “2 day in Mongolia” үзэсгэлэн Занабазарын нэрэмжит дүрслэх урлагийн музейд 2024 оны 08 дугаар сарын 14-нд нээлтээ хийлээ.

        Тус үзэсгэлэнг Зэйгэнев болон Хөх Нар Монголын орчин үеийн урлагийн төв хамтран 2024 оны 08 дугаар сарын 14-нөөс 2024 оны 08 дугаар сарын 28-ны хооронд гаргаж байна. Хамтарсан үзэсгэлэнд ХБНГУ-ын алдарт уран бүтээлч А.Р.Пенкийн бүтээлүүд Монголын дүрслэх урлагийн баялаг дүрслэлд нэмэлт болон үзэгчдийн хүртээл болно. 

     Тодруулбал, 2024 оны 06 дугаар сарын 17-ноос 07 дугаар сарын 07 хүртэл зохион байгуулагдсан “Арт Кэмд Бавария”, ХБНГУ-ын Мурсбах хотноо зохион байгуулагдсан “Орчин цагийн Нүүдэлчдийн жим” үзэсгэлэн болон Монгол Улсын Булган аймагт 2024 оны 07 дугаар сарын 29-өөс 08 дугаар сарын 11 хүртэл зохион байгуулагдсан “Нуур Арт Кэмп”-ийн үр дүнгээс гарсан сонирхолтой уран бүтээлүүдийг дэлгэж байгаа юм. 

        Мөн энэхүү үзэсгэлэнгээс баруунд ноёлох Франз Аккерманы нүүдэллэн бүтээх аргачлал, Надин Реннертийн бөө мөргөлийн эрчимд татагдсан аяс, мөнхүү эрчмийг биеэр дамжуулагч Дашдондогийн Бадам, тэнгринизмтэй холбогдох Лхагвасүрэнгийн Мөнгөнцэцэг, монгол зургийн төлөөлөгч Болдын Номин болон Чингис хааны үеийн үед үлдээсэн өв соёлд дөрөөлсөн Ганболдын Гэрэлхүү нарын бүтээлтэй танилцах боломжтой. Үүнээс гадна эмэгтэй уран бүтээлчдийн төлөөлөгч болох Эрдэнэбилэгийн Энхзаяа, Хайке Барановский нарын бүтээлийг үзэж, ертөнц хоорондын мессенжэр, Хөх Нарыг үүсгэн байгуулагч Ёндонжамцын Далх-Очирын бүтээлийг сонирхох боломжийг бүрдүүллээ.  

Энэхүү үзэсгэлэнг “2 day in Mongolia” хэмээн нэрийдсэн нь алдарт В.Шаравын “Монголын нэг өдөр” бүтээлээс сэдэвчилсэн бөгөөд оролцогч уран бүтээлчдийн сэтгэгдлийн илрэлийг харуулах зорилготой юм. 

Уран бүтээлчид: 

1.       А.Р. Пенк

2.       Батжаргалын Баатарзориг

3.       Дашдондогийн Бадам

4.       Ёндонжунайн Далх-Очир

5.       Эрдэнэбилэгийн Энхзаяа

6.       Франз Акерманн

7.       Ганболдын Гэрэлхүү

8.       Хайке Барановский

9.       Карл Хайнз Жэрон

10.   Лхагвасүрэнгийн Мөнгөнцэцэг

11.   Батмөнхийн Мөнхцэцэг

12.   Надин Рэннерт

13.   Болдын Номин

14.   Симон Коэрнер

               15.   Ёндонжамцын Төгөлдөр