Хөвсгөл аймаг, Ханх сум. Хороо хоёрдугаар багийн “Хачим” гэдэг газрын ойролцоо “Хөвсгөл” нуур /аймгийн төвөөс хойд зүгт 355 км, сумын төвөөс баруун урд зүгт 47 км/-нд наймдугаар сарын 07-ны өдрийн 19:04 цагт 3.8 магнитудын хүчтэй газар хөдлөлт болсон тухай мэдээллийг мөн өдрийн 19:12 цагт Одон орон геофизикийн хүрээлэнгээс цахим шуудангаар ирүүлсэн.

Тус аймгийн Онцгой байдлын газраар дамжуулан Ханх сумын Засаг даргын орлогч, сумын Засаг даргын Тамгын газрын дарга, малчин Б нараас тодруулахад газар хөдлөлтийн чичирхийлэл иргэдэд мэдрэгдээгүй бөгөөд учирсан хохиролгүй тухай мэдээлсэн.