Увс аймаг, Малчин сум, Баянхайрхан багийн Хар тэрмис гэх газарт Хяргас нуурын усанд усны мотоциклтэй явж байсан гурван иргэн эргээс 30 метрийн зайд осолдсоныг усны эргүүлийн үүрэг гүйцэтгэж байсан тус аймгийн Онцгой байдлын газрын Эрэн хайх, аврах салбарын алба хаагчид харж, аврах ажиллагааг эхлүүлсэн гэсэн дуудлагыг наймдугаар сарын 4-ний өдрийн 17:55 цагт Онцгой байдлын газарт хүлээн авсан.

         Тус аймгийн Онцгой байдлын газрын Эрэн хайх, аврах салбарын алба хаагчид очиход иргэн 56 настай Э, иргэн 50 настай А нар живж байсныг эсэн мэнд гаргаж, мөн иргэн 10 настай Б нь усны мотоциклын доор гацаж, ухаангүй болсон байсныг гарган хиймэл амьсгал хийж, анхны тусламж үзүүлэн аварч, эсэн мэнд гэр бүлд хүлээлгэн өгсөн байна.