Гадаад харилцааны яам, “Хилийн чанад дахь монголчуудын зөвлөл” НҮТББ хамтран өчигдөр буюу 2024 оны наймдугаар сарын 2-ны өдөр “Хилийн чанад дахь монголчуудын нэгдсэн чуулга уулзалт”-ыг зохион байгуулав.

“Хилийн чанад дахь Монголчуудын нэгдсэн чуулга уулзалт”-ыг хоёр жил тутам уламжлал болгон зохион байгуулдаг бөгөөд энэ удаагийн чуулга уулзалтаар  “Хилийн чанад дахь монголчуудын зөвлөл” НҮТББ-ын үүсгэн байгуулагдсаны 10 жилийн ой тохиож буйгаараа онцлог байв. Чуулга уулзалтаар “Хилийн чанад дахь иргэд, гэр бүл, залуучуудын нийгмийн асуудлууд”, “Монгол бахархал, өв соёл, гадаад сурталчилгаа болон спорт, урлагийн арга хэмжээ, өнөөгийн нөхцөл байдал”, “Эх хэл, түүх, өв соёлын боловсрол”, “Шинжлэх ухаан, технологи, инновацын асуудлууд” сэдвээр тус тус хэлэлцүүлэг өрнүүлэв.