Иргэн та үерийн аюулаас урьдчилан сэргийлж дараах зөвлөмжийг дагаарай.

- Цаг агаарын сэрэмжлүүлэг, мэдээ, мэдээллийг тогтмол хүлээн авч, мэргэжлийн байгууллагуудаас өгч байгаа зөвлөмжийг дагаж мөрдөх;

-Үерийн аюултай бүсээс хол, аюулгүй газар зусах, амрах;

-Гэр, байшин, хашаа, саравчаа үерийн усны зам, голын голдрил, гуу, жалга, хуурай сайр, ус хальдаг эрэг, өндөр хүчдэлийн ойролцоо барихгүй байх;

-Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих;

-Хүүхдийг хараа хяналтгүйгээр гол мөрөн, нуур, тогтоол ус, цөөрмийн ойр орчимд тоглуулахгүй, ойртуулахгүй байх;

-Гол, мөрөн нуурын ойролцоо амарч зугаалахдаа ажиглалт хийж, сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх;

-Малчид, иргэд, тээвэрчид гол мөрнийг туулахдаа зөвхөн зөвшөөрөгдсөн буюу зориулалтын гарц, гарам, зам гүүрээр зорчихыг зөвлөж байна.