Хөвсгөл аймаг, Алаг-Эрдэнэ сум. Хатгал тосгоны хоёрдугаар багийн “Жанхайн дээд модот булан” гэдэг газар /аймгийн төвөөс хойд зүгт 130 км, Хатгал тосгоны төвөөс зүүн хойд зүгт 20 км-т/  Хөвсгөл нуурын эрэг дээр 16 хүн (найм нь хүүхэд) амарч байснаас гурван иргэн сэлэх гэж ороод живсэн тухай дуудлагыг өчигдөр 14:37 цагт хүлээн авсан.

    Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид 20 км туулан 14:59 цагт очиход иргэн Б/45 настай, эрэгтэй/, иргэн Ж /35 настай, эрэгтэй/, иргэн Х /24 настай, эрэгтэй/ нар Хөвсгөл нууранд живж нас барсан барсан, цогцсыг дөрвөн метрийн гүнээс гаргаж Цагдаагийн байгууллагад шилжүүлэн өгсөн.