Цаг уурын байгууллагаас гаргасан мэдээгээр өнөөдөр буюу долдугаар сарын 22-ны өдрийн байдлаар үргэлжлэн орсон борооны улмаас Хангай, Хөвсгөл, Хэнтийн уулсаас эх авсан голуудын усны түвшин өмнөх хоногоос 10-160 см-ээр огцом нэмэгджээ. Тухайлбал, Хөвсгөл аймгийн Цагаан-Үүр сум Үүрийн гол орчимд үерийн аюултай түвшин 530 см байдаг бол өмнөх хоногоос 293 см-ээр нэмэгдэж үерийн аюултай түвшинг давсан байна. Мөн бороо үргэлжлэн орж байгаатай холбоотойгоор Туул, Хэрлэн, Хараа, Ерөө гол ойрын хоногуудад үерийн аюултай түвшинг давах төлөвтэй байгаа аж.

Иймд малчид, аялж амарч яваа ард иргэдийг голын эрэг дагуу хоноглож, отоглохгүй байж үерийн аюулаас сэрэмжтэй байхыг холбогдох байгууллагаас анхааруулж байна.