Амралт зугаалгын улирал эхэлсэнтэй холбогдуулан хөдөө явж буй, явахаар төлөвлөж буй охид, бүсгүйчүүддээ арьсаа цайруулах бяцхан зөвлөгөө өгье.

Зуу наст ургамал

Зуун наст ургамал нь өөртөө байгалийн будаг арилгагч алион агуулдаг. Ургамлын гелийг шахан авч, шөнө нүүрэндээ түрхэж, өглөө угааж хэрэглэнэ. Хэрэв танд зуун наст ургамал байхгүй бол дэлгүүрт зарагддаг алое гелийг авч хэрэглээрэй.

Сүү

Сүүг хөвөнд шингээж нүүрэндээ түрхэж, 20-30 минутын дараа угаана. Өдөр болгон 1-2 удаа давтаж болно. Мөн сүү нь арьсыг маш сайн чийгшүүлдэг.

Ус

Өдөрт 8-10 аяга ус ууж хэвших хэрэгтэй. Наранд удаан хугацаагаар явсны дараа хүний бие шингэнээ хөлс болгож гадагшлуулдаг. Энэ нь шингэний дутагдалд орох, арьс харлахад нөлөөлдөг учир биеийн шингэнээ тэнцвэржүүлэх үүднээс ус сайн уух хэрэгтэй. Уухдаа нэг дор биш бага багаар залгиж, тогтмол цагийн зайтай уух хэрэгтэй. Мөн нимбэгтэй ус арьс цайрахад чухал нөлөө үзүүлдэг.

Зөв хооллолт

Шинэхэн жимс жимсгэнэ, хүнсний ногоо нь арьсыг байгалийн аргаар гэрэлтүүлдэг. Хүнсний нэмэлт тэжээл, ялангуяа С, В, Е витамин, омега-3 нь арьсыг цайруулахад чухал нөлөөтэй.

Тараг

Цэвэр байгалийн таргийг арьсандаа түрхэж, хатсаны дараа бүлээн усаар угааж цэвэрлэх бөгөөд өдөрт хоёр удаа хэрэглэвэл илүү үр дүнтэй.

Арьсаа гуужуулах

2 цайны халбага сахар, бага зэрэг коксын тостой хольж, гэрийн нөхцөлд гуужуулагч хийнэ хэрэглээрэй. Хольцыг арьсандаа түрхвэл борлосон хэсгийг арилгаж, арьсны өнгийг сайжруулна.

Өргөст хэмх болон нимбэгийн шүүс

Ойролцоогоор 15 мг өргөст хэмхийн шүүсийг адил хэмжээний нимбэгийн шүүстэй холиод, нэг удаагийн сальфеткан маск, эсвэл хөвөнд шингээн нүүр хүзүүндээ тавина. 10 минутын дараа үлдэгдлийг бүлээн усаар угааж арилгах хэрэгтэй. Энэхүү маскыг хуурай болон хэвийн арьстай бол 7 хоногт 1 удаа, тослог болон холимог арьстай бол 7 хоногт 2-3 удаа хэрэглээрэй.