“Apple music chart”, “Spotify”-д дуу нь дээгүүр бичигддэг дуучдын нэгд зүй ёсоор Davaidasha ордог билээ. Залуусын дуртай дуучин гэх тодотголтой түүнийг хамгийн анх олонд таниулсан дуу нь “Чи чинь нээрээ” юм. Тэгвэл  түүний талаарх сонирхолтой баримтуудыг мэдэж авцгаая.

1. Тэрбээр Эрдэнэт хотод төрж, өссөн бөгөөд анх түүнд Даваадаш гэж нэр өгсөн ч нэр нь хүндэдсэн тул Ариунболд болгон сольжээ. Хожим нь Даваадаш гэх нэрэндээ бага зэрэг хэв маяг оруулж, тайзны нэрээ болгосон юм.

2. Davaidasha нь зургаан хүүхэдтэй айлын том нь, эмээтэйгээ ойр өссөн.

3. Түүнийг бага байхад эмээ нь үргэлж музейгээр дагуулж явдаг, төрөл бүрийн тоглолт үзүүлдэг байсан болохоор бага нас нь их л адал явдалтай өнгөрчээ.  

4. Бага ангидаа онц сурдаг байсан ч ахлах ангиасаа дуу зохиож эхэлснээр сурлага нь огцом муудаж, эмээдээ загнуулах болжээ. Гэхдээ эмээ нь хэзээ ч дуу хийхийг нь эсэргүүцэж байгаагүй, харин ч дэмждэг гэнэ.

5. 2008 онд Цайхун-Гэгээ сургуульд элсэн орж, 2020 онд ахлах сургуулиа төгссөн.

6. Тэрбээр тавдугаар ангиасаа хойш найман жилийн хугацаанд Хип-хоп гудамжны бүжгийн төрлөөр хичээллэсэн. Энэ нь түүнийг дуу хөгжимтэй ойр байхад нөлөөлжээ.

7. Багадаа шүлэг зохиохдог байсан бөгөөд 17 настайгаасаа гитар тоглож сурсан.

8. Ахлах сургуульд байхдаа дээд ангийнхаа хүүхдийн гэрт скейтборд авах гээд орохдоо аян дээр үг бичээд дуулж байсныг харжээ. Тэрнээс хойш удалгүй найзтайгаа хамт мөнгөө нийлүүлж Эрдэнэтийн студид хип-хоп жанрын дуу бичүүлжээ.

9. Итгэхэд бэрх ч тэрбээр солгой хоолойтой байсан гэнэ. Хоолойгоо зүгшрүүлэх оролдлого уйгагүй хийсээр байсан нь сайжрахад хүргэсэн. “Хоолойны түгжээ гэж байдаг бол “Шуналтай нүд” дуун дээр жинхэнэ мултлагдсан юм шиг санагддаг” гэж хэлж байжээ.

10. Уран бүтээлээ харин 2019 оноос эрчимтэй гаргаж эхэлсэн. Тухайн үед Soundcloud дээр өдөрт 2-3 дуу оруулаад тогтчихсон байжээ.

11. Davaidasha гэх нэрээрээ хамгийн анх “Хүүхдийн тоглоом” гэх дуугаа гаргасан.

12. Тэрбээр олон төрлийн жанраар дуу хийж турших дуртай. Гэхдээ одоогоор гаргасан дуунууд нь ихэнх нь фанк хэмнэлтэй боловч үндсэн фанк шиг аз жаргалтай гэхээсээ илүү тайван, гунигтай хэв маягтай.

13. Анх дуу хийж байх үедээ 90-ээд оны хэв маягт донтчихсон, яг тэр оны линзийг зүүчихсэн юм шиг л байдаг байсан гэнэ.

14. Дууны үг бичихдээ заавал микрофоноо асаагаад, урдаа бариад суучихдаг зуршилтай.

15. “Аладдин” гэх дуу нь өөрийнхөө талаар дуулсан дуу нь юм.

16. Анхны тайз нь мартагддаггүй бөгөөд ямар ч алдаа гаргаагүй, үзэгчид 10 минутын туршид дууг нь даган дуулжээ.

17. Түүний анхны гаргасан албан ёсны сингл нь "Шуналтай нүд" дуу байжээ. 2020 онд тэрбээр “Ковид-19”-ийн үеэр "Эстетика" нэртэй есөн дуунаас бүрдсэн албан бус цомгоо “Soundcloud” дахь хуудсандаа байршуулсан.

18. 2021 онд “Яг чам шиг” нэртэй дуугаа “YouTube” сувагтаа Японы алдартай анимуудын хэсгүүдийг агуулсан засвартай видеогоор гаргаснаар сонсогчдод нэлээдгүй хүрч чадсан. 

19. Үргэлжлүүлэн 2021 онд "Аладдин", “Чи чинь нээрээ", "Тэмтрүүл", "Нүүрний будаг", "Ерөөсөө", 2022 онд "Удаа дараа", "Хэрвээ бид" гэх дуунуудаа гаргаж сонсогчдод амжилттай хүргэсэн. 

20. Түүний Ginjin-тэй хамтран гаргасан “Lalala” гэх дуу нь хүмүүсээс “Яриа нь ойлгогдохгүй байна, нэг л хэмнэлтэйгээ байна“ гэх зэргээр нилээдгүй шүүмжлэл аваад амжсан. Гэсэн ч тэрбээр “Зуны зугаа 2024” дээр фэнүүдээсээ магтаалыг харамгүй авсан хэвээр байгаа нь хэр их хайрлагдсан, мундаг дуучин болохыг дахин харуулж байна.

Б.Сувданцэцэг