Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын азарганы уралдаанд Булган аймгийн Гурванбулаг сумын уяач С.Гал-Эрдэнийн хонгор азарга түрүүллээ.

       Тэгвэл Орхон аймгийн Баян-Өндөр сумын харьяат тод манлай уяач Чулуунбатын Батжаргалын зээрэн зээрд айргийн дөрөвт хурдаллаа. Энэ талаар тод манлай уяач Д.Чулуунбат "Төрийнхөө наадамд азарга маань айрагдлаа. Сэтгэл өндөр байна. 2004 онд халзан азаргаа айргийн дөрөвт хурдлуулж, 2005 онд түрүүлж байлаа. Энэ жил харин айргийн тавд орлоо. Уяач дүү Норовжамцдаа, Жаргал ахдаа, хүү Батжаргалдаа, морь унаач хүүхэд Болор-Эрдэнэ, Шинэбаяр дүүдээ, нийт хамт олондоо баярлалаа гэж хэлье” гэв.