Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын нээлт эхэллээ. Энэ үеэр УИХ-ын гишүүн М.Нарантуяа баяр наадмын сэтгэгдлээ хуваалцлаа.

   Тэрбээр "Монголчууд бид бүхэн дэлхийн бусад улс орноос олон өвөрмөц соёлтой гэдгээ мэдэрч, бүх зүйлд эерэг, амжилттай, хурдацтайгаар урагшлах боломжуудыг баяр болгоноор хардаг. Есдүгээр парламентаа байгууллаа. Энэ удаагийн парламент өмнөх жилүүдээс онцлогтой 106 гишүүдтэй болсон. Ард түмнийхээ төлөө уралдан ажиллана. Миний хувьд эмэгтэйчүүд хүүхдүүдийн төлөөлөл гэдгээ санаж баяр наадам гэлтгүй ерөнхий зохион байгуулалтын ажлаа хийгээд явж байгаа. Наадамчин олондоо баяр наадмын мэндийг хүргэе" гэв.