Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын шүдлэн насны уралдаанд Өвөрхангай аймгийн Хархорин сумын харьяат уяач Ц.Дагвасүрэнгийн хул үрээ түрүүллээ. Тэрбээр "Шүдлэн үрээ маань түрүүллээ. Өнгөрсөн жилийн баяр наадамд даага маань аман хүзүүдсэн. Миний хувьд Монгол Улсын тод манлай уяач С.Ганхуяг ахыг даган морьж уяж байгаад 2019 оноос бие дааж морь уяж байна. Дөрвөн жил дараалан морьдоо айрагдуулж байна" гэв.