Тэртээ тавин жилийн өмнө буюу 1974 онд Баянхонгор аймгийн Баян-Овоо суманд Б.Цэдэвсүрэн, П.Рэнцэнханд нарын  нэгэн залуу гэр бүл гал голомтоо бадраасан түүхтэй.

            Бадамжавын Цэдэвсүрэн, Пунцагийн Рэнцэнханд нар сум орон нутаг, нэгдэл дундын үйлдвэртээ жолооч, няравын ажлыг хариуцлагатайгаар хашиж явахдаа зургаан сайхан хүүхэд төрүүлэн өсгөжээ. Үр хүүхдүүд нь өрх тусгаарлан сум сунгахдаа  энх жаргалыг хайрлагч эрхэм хайрт аав ээжийдээ хүндэтгэл болгон алтан хуримыг нь төрөлх нутаг оронд нь хийхээр төлөвлөжээ.

         Ингэснээр  өнөөдөр буюу хуримын ордон үүдээ дэлгэсэн нэг жилийн ой, ардын төрийн баяр наадмынхаа босгон дээр  эрхэм буурлуудынхаа 50 жилийн амьдралыг гэрчлэн алтан хуримыг нь ёслол төгөлдөр зохион байгууллаа. 30 орчим ач зээ нараа тойруулан амар жимэр, амгалан жаргалантай амьдран суугаа эрхэм хоёр бууралдаа хамт байхын хувь заяагаа цуцашгүй зураглаж, эрүүл энх саруул сайнаар жарган байхын ерөөл өргөе.

Эх сурвалж: Нээлттэй Баянхонгор