Тулгар төр үүсгэн байгуулагдсны 2233, Их Монгол Улс үүсгэн байгуулагдсны 818, Үндэсний эрх чөлөө тусгаар тогтнолоо сэргээн мандуулсны 113, Ардын хувьсгалын 103 жилийн ойн Үндэсний их баяр наадмын хязаалан насны морьд бариандаа орлоо.

Хязаалан насны морьдын уралдаанд Дундговь аймгийн Эрдэнэдалай сумын уяач Б.Чинзоригийн хүрэн үрээ түрүүлсэн бол Булган аймгийн Гурванбулаг сумын уугуул Дамбын Хишигжаргалын үрээ аман хүзүүдсэн. Сүхбаатар аймгийн Баяндэлгэр сумын уугуул уяач Б.Баярмагнайн бор үрээ айргийн гуравт хурдаллаа. Хурдан хязаалан насны морьдын уралдаанд айргийн гуравт орсон унаач хүүхдээс Эргэлт.мн сайтын сурвалжлах баг баярын сэтгэгдлийг нь хуваалцлаа. Тэрбээр "Би зургаан жил хурдан морь унаж байна. Улсын наадамд анхны түрүүгээ авч байна. Төв аймгийн 100 жилийн ойн баяр наадмаар сонгомол насны морьдын уралдааны их насны түрүү, монгол дааганы уралдаанд айргийн тавд уралдаж байсан. Энэ жил Хэнтий аймгийн уралдаанд мөн түрүүлсэн. Айргийн тавд орсондоо маш их баяртай байна" гэлээ.