Баяр наадам эхэлж байгаатай холбоотойгоор ОБЕГ-аас мэдээлэл өглөө. Энэ үеэр ОБЕГ-ын Урьдчилан сэргийлэх газрын хэлтсийн дарга, хурандаа Д.Бат-Эрдэнэ "Өнгөрсөн амралтын өдрүүдэд таван хүн усанд осолдож амиа алдсан. Өчигдөр нийслэлд нэг, орон нутагт хоёр иргэн усанд осолдож эрсэдсэн байна. Он гарсаар усанд осолдсон 40 хүний ес нь бага насны хүүхэд байгаа юм. Иргэд машин техник, мотоциклтой, морьтой ус гатлах, гарамгүй газраар гарах гэж ородож байгаад амиа алдаж байна. Мөн гол усны ойролцоо үйл ажиллагаа явуулж, ажлаа хийж байгаад санамсар болгоомжгүйгээр эрсдэх тохиолдол байна. Аялах, амрах зэргээр зорчиж явахдаа тааралдсан нуур гол бүрд зогсож усанд ордог энэ асуудал их эрсдэлтэй. Тиймээс аялж байхдаа гол мөрнөөс хол зайтай газруудад амрах шаардлагатай байна. Аялалын компаниуд мөн хариуцлагатай байж иргэдийн аюулгүй байдлыг хангах дээр анхаараарай" гэв.