126 гишүүнтэй УИХ-ын анхдугаар чуулган эхэлж, гишүүд тангаргаа өргөж байна. Энэ үеэр УИХ-ын гишүүн С.Цэнгүүн мэдээлэл өглөө.

        Тэрбээр “Эрчим хүчний салбарт реформд анхаарч ажиллана. Энэ бол АН-ын мөрийн хөтөлбөрийн онцлох есөн зорилгын нэг. Монгол Улсын хөгжлийн хамгийн том гацаа болсон үеийн үед орхигдож ирсэн энэхүү салбарт анхаарч ажиллана. Иргэд шинээр сонгогдож байгаа гишүүдэд их хүлээлт тавьж байгааг анзаарсан. Гишүүнээр сонгогдсон дөрвөн жилийн хугацаанд реформ хийх хэрэгтэй, улс төрийн зориг шаардах зүйлд залуу хүний хувьд зоригтойгоор ажиллана. Хариуцлага мэдэрч байна” гэв.