126 гишүүнтэй УИХ-ын анхдугаар чуулган эхэлж, гишүүд тангараг өргөсөн. МАН-аас сонгуулийн тойрогт 50, намын жагсаалтаар 18 буюу нийт 68 гишүүн сонгогдсон. Ардчилсан намаас сонгуулийн тойрогт 26, намын жагсаалтаар 16 буюу нийт 42 гишүүн сонгогдсон байна. Харин ХҮН намаас тойрогт хоёр, намын жагсаалтаар зургаа буюу нийт найм. Үндэсний эвсэлийн жагсаалтаар дөрөв, ИЗНН-ын жагсаалтаар дөрвөн гишүүн сонгогдсон билээ. Чуулганы үеэр СЕХ-ны дарга П.Дэлгэрнаран “Шинээр сонгогдсон гишүүдийн хамгийн залуу нь 27 настай бол ахмад нь 73 настай байна. Гишүүдийг насных нь ангилалаар авч үзвэл,

 27-36 насныхан 4%

37-45 насныхан 37.3%

47-55 насныхан 47.6 %

56-73 насныхан 11.1 %-ийг эзэлж байна.

126 гишүүний 25.4 хувь нь эмэгтэй байгаа нь Монгол Улсын парламентийн түүхэн дэх дээд үзүүлэлт төдийгүй, Ази тивийн дунджаас өндөр үзүүлэлт бөгөөд дэлхийн 187 орны парламентад эзлэх эмэгтэйчүүдийн дундаж үзүүлэлтийг хангасан байна. Харин тэднийг мэргэжил боловсролынх нь байдлаар авч үзвэл,

Инженер-17

Хуульч, эрх зүйч-29

Эдийн засагч, санхүүгийн мэргэжилтэн-40

Хэл судлал, гадаад харилцааны мэргэжилтэн-8

Багш-8

Эмч-5

Сэтгүүлч-5

Улс төр судлаач-4

геологич, дизейнер, жүжигчин, зураач, социологич, физикч мэргэжилтэй гишүүд сонгогдсон байна” гэв.