Баянхонгор аймаг, Баянхонгор сумын Рашаант багийн “Задгай”-д суудлын автомашин “Түйн” голын бетон гүүрний төмөр хаалт мөргөсний улмаас шатаж байна гэсэн дуудлагыг долдугаар сарын 2-ны өдрийн 05:12 цагт аймгийн Онцгой байдлын газарт иржээ.

        Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 05:16 цагт очиход иргэн Т-ийн “Вангуард” загварын автомашины хөдөлгүүр шатаж  байсныг нэг минут ажиллаж унтраасан. Автомашин төмөр хаалт мөргөсний улмаас иргэн У 20 настай, эрэгтэйн толгой гэмтсэн байсан тул аймгийн Нэгдсэн эмнэлэгт хүргэж өгсөн.