УИХ-ын 126 гишүүн гишүүний үнэмлэхээ гардан авлаа. Энэ үеэр МАН-аас жагсаалтаар сонгогдсон Уул, уурхайн дэд сайд Б.Уянга мэдээлэл өглөө.

        Тэрбээр “Сэтгэгдэл өндөр байна, ажил дуусаагүй харин ч эхэлж байна. Үндэсний баялгийн сангийн хуулиас гадна, биржийн тухай хуулийг батлуулж, хэрэгжүүлсэн. Монгол Улс анх удаа төсвийн гүйцэтгэлээ давуулан биелүүлэхэд гол нөлөө үзүүлсэн уул уурхайн салбар ирээдүйд ч хариуцлагажиж, хариуцлагатай байх ёстой. МАН-ын мөрийн хөтөлбөрийн онцлох 28 заалтын хамгийн эхэнд үндэсний баялгийн сангийн талаар байгаа. Өрх гэр бүрийн хаалгаар оруулахын тулд өдөр тутмын амьдралд өгөөжийг нь хүрээх хэрэгтэй. Салбарынхаа боловсон хүчнийг нэмэгдүүлэхэд анхаарч ажиллана. 2019 оноос хойш төрд зүтгэж байна. Төрийн алба хаагч үүрэг хариуцлагатай, завгүй байдаг алба.