УИХ-ын 126 гишүүн гишүүний үнэмлэхээ гардан авлаа. Энэ үеэр ИЗНН-ын гишүүн М.Нарантуяа “Монгол Улсын иргэн хуулийн хүрээнд нэг удаа овог, нэрээ өөрчлөх  боломжтой байдаг. Үүний хүрээнд 2019 онд нэрээ Нарантуяа Нара болгож, албан өөрчилсөн. Бид гурван удаагийн УИХ-д чадах бүхнээ дайчилж, хүч үзсэний эцэст ИЗНН-аас гишүүн болж чадлаа. Өнгөрсөн хугацаанд олон нийтийн төлөө ажилласан. Иргэний хувьд хүүхэд, эмэгтэйчүүдийн төлөө дуу хоолой нь болсон. Нам, хамт олны хамтын хөдөлмөр байгаа ч өнгөрсөн хугацаанд өөрийгөө харуулсаар ирсэн. ИЗНН ардчилалыг бэхжүүлэх, ногоон бодлогыг баримтлан ажиллана. Өмнө нь хийж байсан ажлуудаа парламентийн түвшинд барьж ажиллана. Тодруулбал, хүүхэд, эмэгтэйчүүд, гэр бүлийн хуулийн төлөөх ажлаа эхлүүлнэ. УИХ-д дөрөв, таван нам эвслийн төлөөлөл ажиллана гэдэг тодорхой хэмжээнд эрх мэдлийг төвлөрүүлэх, авлига хээл хахуульд хяналт тавих болов уу гэж харж байна. ИЗНН хамтарсан Засгийн газарт орохгүй. Сөрөг хүчнийхээ байр сууриар ажиллана” гэв.