Ардчилсан намаас сонгуулийн санал хураалттай холбоотой цаг үеийн асуудлаар мэдээлэл өглөө.

Хэвлэлийн хурлын үеэр Ардчилсан намын Хэрэг эрхлэх газрын дарга Н.Лхагвадорж “Эрх баригч Монгол Ардын намд сануулсаар байтал биднийг юман чинээ төөлгүй хууль бус үйлдлүүдийг орон даяар хавтгайруулж байна. Үүнтэй холбоотойгоор Ардчилсан намын хуулийн албанаас хууль хүчний байгууллага, цагдаагийнхантай хамтарч шалгагдаж байгаа болон илрүүлсэн хууль зөрчсөн үйлдлүүдийг мэдээлье.

                                     Бидэнд ирсэн шинэ мэдээллээр Сэлэнгэ аймгийн Зэвсэгт хүчний хоёр ч ангийн цэргүүдийг бөөн бөөнөөр нь ачиж яваад “МАН-д саналаа өг” гэж тушаасан тохиолдол гарсан байна. Зэвсэгт хүчний захирагч, алба хаагч нартаа зөвлөхөд УИХ-ын сонгууль, сонгуулийн санал хураалт хэн нэгэн албан тушаалтны үе, командаар өгүүлдэг асуудал биш. Харин тэд байгаа цэргүүд өөрийн үзэл бодол, хэн өгөх хүсэлдээ хөтлөгдөн өгөх ёстой.

Мөн УИХ-ын сонгуулийн II тойрог төрийн байгууллагыг ашиглан сонгогчдын саналыг авах зорилготой ноцтой асуудал гарсан. Тухайлбал, УИХ-ын гишүүн Б.Чойжилсүрэн тэргүүтэй нэр дэвшигчид тухайн тойрог очих үед эмнэлгийн байгууллагын түргэний машины чанга яригчаар МАН-аас нэр дэвшигчдийг дэмжээрэй гэсэн утгатай зар хүргэж, түгээж явсан байгаа юм. Энэ асуудлаар Ардчилсан намаас цагдаагийн байгууллагад хүсэлт гаргаж шалгуулснаар холбогдох хүнийг 20 сая төгрөгөөр торгосон байна.

Түүнчлэн төрийн мөнгөн дэвсгэртийг хууль бусаар үйлдвэрлэж, иргэдэд тараасан байж болзошгүй үйлдсэн гарлаа. Тодруулбал, Ховд аймгийн Жаргалант сумын нутагт их хэмжээний мөнгө салхинд хийсэн буй дүрс бичлэг гарсан. Улмаар Ховд аймаг дахь манай сонгууль эрхэлсэн байгууллага тэр хийж байсан 10-20 мянгантын дэвсгэртийг баримт болгож авсан бөгөөд гараараа барьж, эмтэрч үзэхэд хуурамч мөнгөн тэмдэгт гэдэг нь илэрхий байгаа талаар мэдэгдэж байна.

Үүгээр зогсохгүй Говьсүмбэр аймгийн ИТХ-ын дарга Ш.Билэгсүмбэрэл гэх хүн иргэд, сонгогчдын сонирхлыг татахын тулд машиндаа мөнгө тарааж байгаа газар дээрээ баригдсан. Баянзүрх дүүргийн VIII санал авах байрны иргэдийн санал өгөх ширээний яг дээр камер байршуулсан. Улмаар сонгогчид хэнд саналаа өгч, аль намыг дэмжиж байна вэ гэдгийг камераар хянасан Сонгуулийн тухай хуулийг маш ноцтой зөрчиж байгаа үйлдэл илрээд байна” гэв.

Үргэлжлүүлэн хэвлэлийн хурлын үеэр Ардчилсан намын хуулийн албанаас эрх баригч намын хууль зөрчиж буй үйлдлүүдийн талаар товч мэдээллээ. Тухайлбал,

• Эрх баригч МАН-аас зохиомлоор санал хураах явцыг удаашруулж байна
• Завхан аймагт УИХ-ын гишүүн Б.Чойжилсүрэнгийн баг иргэд, сонгогчдын саналыг худалдаж авахаар мөнгө тарааж байгаад газар дээрээ баригдлаа
• УИХ-ын гишүүн Ч.Ундрамын баг мөнгө тарааж байсан үйлдэл нотлогдлоо
• Нийслэлийн Налайх дүүрэгт эрх баригч нам мөнгө тарааж буй үйлдэл гарч, иргэдийн сонгох эрхэнд ноцтойгоор халдсан нь илэрлээ зэрэг мэдээлэл өгсөн юм.