“Чи надад амттай юм авч өгнө ингэсэн үү дээ” гэх богино бичлэгээрээ олонд танигдаж, хөгжилтэй, сургамжтай, хайр хүргэсэн, дурсамж сэргээсэн контентууд бэлддэг “Наашаа цаашаа” цахим хуудасны хөгжүүлэгч А.Жанлав, Ө.Энхмандах нар сүй тавилаа.

        Би заяаны ханийг бүтээдэг гэж итгэдэг. Ганцхан танд тохирох гээд бэлтгэгдсэн хүн байхгүй. Бие биедээ яг тохирсон түлхүүр, цоож болохын тулд хамтдаа хичээх хэрэгтэй.  -А.Жанлав-

       2021 оны сар шинийн баярын үеэр анхныхаа бичлэгийг хийж, цахим хуудастаа байршуулж байжээ. Хөл хорионы үеэр богино контент хийхээр төлөвлөж байсан тэд ийн хичээл, ажлынхаа хажуугаар контент хийж эхэлсэн байна. Хосууд алдарт “Ингэсэн үү дээ” бичлэгээ бүжгийнхээ бичлэгийн дараа харьж явахдаа хийжээ. Анх үерхсэнээсээ эхлээд дурсамжтай мөч бүрээ зураг, бичлэг болгож хадгалдаг байсан нь ийн тэднийг олонд таниулсан аж.

      А.Жанлав, Ө.Энхмандахын хайрын түүх “Бадмаараг” сургуулийн наадмын бэлтгэлийн үеэр эхэлж байжээ. А.Жанлив найз охиндоо сайн гэдгээ мэдэгдүүлэхийн тулд утасныхаа дэлгэцэн дээр зургийг нь тавиад харуулах гэж ил орхидог байж. Ахлах сургуулийн хоёр өөр мэргэжил сонгож, өөр их сургуульд элссэн ч найзын хувиар харилцсаар үерхжээ. А.Жанлив найз охиноо найзуудтайгаа аялж байхдаа зүрхэн хэлбэртэй лаа асаагаад балерина гутал болон зүүлт бэлэглэж, үерхэхийг гуйж байжээ. Ө.Энхмандах гоёл чимэглэл зүүх дуртай биш ч найз залуугийнхаа өгсөн бэлгийг байнга зүүдэг аж.

        Тэд контент хийхдээ зохиолын дагуу байх гэж олон дахин дүрсээ авдаггүй гэнэ. Анхны мэдрэмжээрээ тоглосон эхний бичлэгээрээ контентоо хийхийг зорьдог талаараа Эргэлт.мн мэдээллийн сайтын Эргэлт сэтгүүлийн анхны дугаарт өгсөн ярилцлагадаа дурджээ.

Тэдний цахим хаяг https://www.facebook.com/profile.php?id=100063702600725

Youtube https://www.youtube.com/@Bid2leen