Сонгуулийн ерөнхий хорооноос мэдээлэл өглөө. Энэ үеэр Улсын бүртгэлийн ерөнхий газрын дарга Д.Дэлгэрсайхан сонгогчдын нэрийн жагсаалт болон сонгогчдын итгэмжлэгдсэн ажилтнуудын үйл ажиллагааны талаар мэдээлэл өглөө.

         Тэрбээр "Улсын бүртгэлийн байгууллага УИХ-ын сонгуулийн тухайн хуулиар найман чиг үүрэг хэрэгжүүлдэг. Үүний хамгийн гол үйл ажиллагаа бол сонгогчдын нэрийн жагсаалтыг үйлдэх, нягтлан шалгах, танилцуулах. Улсын бүртгэлийн байгууллага дээр 2023 оны арваннэгдүгээр сард ажлын хэсэг байгуулагдаж, 112 төлөвлөгөө бүхий ажлыг хийж гүйцэтгэж ирлээ. Үндсэндээ манайх сонгуулийн бэлтгэл, сонгуулийн өдөр, дараах гэсэн гурван хугацааны ажил хийдэг. Иргэдийн төлөөлөгчдийн хурлаар хэсэг байгуулснаар сонгогчдын нэр жагсаал үйлдэх эхний үйл ажиллагаа эхэлдэг. Ингээд өнгөрсөн дөрөвдүгээр сарын 1-ний байдлаар сонгуулийн нэрийн жагсаалт вэб хуудаст эхний хувилбараар байсан. Харин дөрөвдүгээр сарын 29-нд иргэдийн шилжилт хөдөлгөөн зогссон. Ингээд 2020 оны УИХ-ын сонгуультай харьцуулаад үзэхэд энэ жилийн хувьд иргэдийн шилжих хөдөлгөөн 3.2 дахин багассан байгаа. Мөн зургадугаар сард бид сонгогч шилжилт хөдөлгөөн хийдгийн дагуу 19 мянга гаруй сонгох шилжилт хийжээ. Энэ хүрээнд 2198 хэсэгт нийтдээ 2.224.233 сонгогч бүртгэгдсэн байна. Үүнээс түр хасав тэмдэглэгээтэй 165.368, үндсэн сонгогч нь 2.58.865 байна. Энэ бүр тоо баримтыг гаргахад олон байгууллага хамтран ажилладаг.  Дөрөвдүгээр сарын 1-нд эхний жагсаалт гарснаас хойш тавдугаар сарын 1-н гэхэд зургаан байгууллагаас мэдээллийг цуглуулж, сонгогчдын нэрсийн жагсаалтад өөрчлөлт оруулдаг. Тухайлбал, Улсын дээд шүүхээс эрх зүйн чадамжгүй иргэд, Хил хамгаалах ерөнхий газраас 60 болон түүнээс дээш хоногоор гадаадад зорчсон иргэд, Шүүхийн шийдвэр гүйцэтгэх газраас хоригдож байгаад баривчлагдсан иргэдийн мэдээлэл, Батлан хамгаалахын яам, Цагдаагийн ерөнхий газар, гадаадын иргэн харьяатай газраас мэдээллийг аваад эцэслэн хийдэг. Мөн сонгогчдын нэрийн жагсаалтад иргэний бүртгэлтэй холбоотой өөрчлөлтүүд ордог. Энэ жилийн хувьд хэдэн онцлог зүйл хийлээ. Үүнд, нэгдүгээрт, СЕХ-нд бүртгүүлсэн нам, эсвслүүдэд нэрийн жагсаалтыг хоёр удаа хүргүүлэх заалт орсон. Улсын бүртгэлийн байгууллага нэрийн жагсаалтыг нийтэд танилцуулах үүрэг хүлээсэн. Нам, эсвсэлд мэдээлэл хүргэсний үндсэн дээрээс энэ жил дөрвөн удаа танилцуулах үйл ажиллагаа хийлээ. Нэрийн жагсаалтад тодорхой хяналтыг энэ жил оруулж ирсэн. Бид зургадугаар сарын 25-нд гурван асуудлыг тодорхой ярьсан.

 Бидний эцсийн байдлаар хүлээлгэж өгсөн нэрийн жагсаалтыг нам, эвсэл, төрийн бус байгууллагын оролцоотойгоор битүүмжилсэн. Мөн хэсгийн хороодод хэрэглэж байгаа цаасан болон цахим нэрийн жагсаалт байгаа. Үүнийг сонгуулийн маргааш хооронд нь тулгах асуудлыг тохирсон. Ингэснээр нэрийн жагсаалтад ямар нэгэн хөндлөнгийн өөрчлөлт орох, хүн давхардах, хасагдах, хэдэн зураас тэмдэглэгээтэй иргэд түр хасахаа сэргээгээд саналаа өгдгийг мэдэх боломжтой. Мөн нэрийн жагсаалтын хяналттай холбоотойгоор бодитой хэсэг дээр тухайн намын төлөөллийг байлгаад тэдний сонгосон хүмүүсээр бодит өгөгдөл дээр туршиж үзлээ. Түүнээс гадна өнөөдөр сонгуулийн санал өгөх бүх хэсэг нэгдсэн сүлжээнд холбогдсон байгаа. Гэсэн ч хил ойрхон газруудын төхөөрөмж ажиллахгүй унтраад байх асуудал гарч байна. Бид энэ сонгуульд техник хангамжийн бүх шинэчлэлийг хийсэн" гэв.