Сонгуулийн ерөнхий хорооноос УИХ-ын 2024 оны сонгуулийн санал хураалтын бэлтгэл ажлын талаар мэдээллээ.

           Энэ үеэр Сонгуулийн ерөнхий хорооны дарга П.Дэлгэрнаран "Маргааш УИХ-ын ээлжит сонгуулийн санал хураалт болно. Санал хураалт өнөөдрөөс эхэлж, битүүмжлэгдсэн саналын хайрцгаар санал авч байна. Нийтдээ 16 мянга гаруй сонгогч битүүмжилсэн саналын хайрцгаар саналаа өгөхөөр хүсэлт ирүүлсэн. Өнөөдөр 09:00-22:00 цаг хүртэл явагдана. Санал хураалт маргааш 07:00 цагаас эхэлнэ, нийт 2198 хэсгийн хороонд саналт хураана, 2.224 мянган сонгогч саналаар өгөхөөр бүртгүүлсэн байна. Нийт 25700 орчим төрийн албан хаагчид сонгуулийн бэлтгэл ажлыг ханган бүх шатанд ажиллаж байна. Үүнээс 23 мянга нь бүх шатны сонгуулийн хороонд, 2564 нь мэдээлэл технологийн багийн гишүүн, даамлууд, 12 мянган цагдаагийн албан хаагчид хамгаалалтын үүрэг гүйцэтгэнэ. Одоогийн байдлаар үерийн асуудал байгаа учир гал түймрээс урьдчилан сэргийлэх чиглэлээр улсын хэмжээнд бэлэн байдалтайгаар Онцгой байдлын 100 албан хаагч ажиллаж байна. Нийт 40 орчим мянган төрийн албан хаагчид сонгуулийн зохион байгуулалтад оролцож байна. Сонгуулийн сурталчилгаа амжилттай дууслаа. Нийт 19 нам, хоёр эвслийн 1341 нэр дэвшигч сонгуулийн сурталчилгааныхаа ажлыг явууллаа. Эдгээрээс 61.3 хувь нь эрэгтэйчүүд, 38.7 хувь нь эмэгтэйчүүд байлаа. Нийт нэр дэвшигчдийг үндсэн дүнгээр нь авч үзбэл жендэрийн харьцааг хангаж байгаа" гэв.