Байгалийн сайхныг мэдэрч эрүүл мэнддээ анхаарах боломжийн сувилал олгодог. Сүүлийн жилүүдэд шинэхэн ээжүүд, нялхаст зориулсан сувилал иргэдийн дунд эрэлттэй байгаа. Мөн ЭМД-аар үйлчилдэг сувиллууд үйлчлүүлэгч олонтой байдаг аж. Рашаан, сувиллын газруудын үнэ ханш болон үйлчилгээний талаар хүргэж байна.

Аварга тосон сувилал

       Аварга тосон рашаан сувилал нь Аваргын бүлэг рашаан болох Аураг рашаан, эмчилгээний шавар, Рашаан нуурыг түшиглэн 1969 онд байгуулагдсанаас хойш өнөөг хүртэл тогтвортой үйл ажиллагаа явуулж байгаа улсын үйлчилгээтэй магадлан итгэмжлэгдсэн рашаан сувилал юм.

       Төлбөрийн хувьд өрөө, байшин, гэр үйлчилгээнээсээ хамаараад 110-1 сая төгрөгийн хооронд байна.

Шаргалжуут рашаан сувилал

       Шаргалжуут рашаан сувилал нь Баянхонгор аймгийн Эрдэнэцогт сумын нутагт Хангайн нурууны өмнө хэсэгт Улаанбаатар хотоос 650 км, Баянхонгор аймгийн төвөөс зүүн хойно 60 км зайд оршдог юм. Шаргалжуут рашаан сувилал нь байгалийн эмчилгээний хосгүй бүтээл болох Шаргалжуутын 108 төрлийн рашаан, нуурын анагаах шаврыг дорнын уламжлалт эмчилгээ болох бариа засал, зүү төөнүүр, аппаратын эмчилгээ болох физик эмчилгээ, төрөл бүрийн усан эмчилгээ, биеийн тамир эмчилгээ зэргийг хослуулан хэрэглэж эмчлэн сэргээх үйлчилгээг үзүүлдэг.

       Эмчилгээ, өрөөний сонголтоосоо хамаараад 85-230 мянган төгрөгийн үнэтэй.

Мойлтын тохойн сувилал

        Улаанбаатар хотоос засмал замаар 40 км яваад Тэрэлжийн хөндийн Хан Хэнтийн Дархан цаазат байгалийн үзэсгэлэнт газар Туул голын хөвөөнд байрладаг. Гүүний саам, бөөр үе мөчний элсэн шарлага, бүх төрлийн бариа засал, хийн бясалгалын дасгал, хүчилтөрөгчийн коктейль, бумба эмчилгээ зэргийг танд үзүүлнэ. Чөлөөт цагаараа сагс, теннис, диско, караоке, саун, душ, боловсон ариун цэврийн өрөө, долоо хоног бүр зохиогдох хөгжөөнт тоглоомуудтай.

Үнэ 50-175 мянган төгрөг

Хужиртын халуун рашаан

             Нуруу ,үе мөчний архаг өвчнүүд, шохойжилт, ясны сийрэгжилт, ясны гэмтэл, хугарлын үлдэц, мэдрэл, цус харвалтын дараах саа саажилт, эмэгтэйчүүдийн үргүйдэл, өндгөвчний болон бөөр давсгийн архаг үрэвсэл, хүүхдийн түнхний дутуу хөгжил, мултрал ,арьсны өвчнүүдэд маш сайн Эмчилгээний гол хүчин зүйл нь тослог хар өнгийн лаг шавар ,газрын гүнээс оргилох 56 хэмийн халуун рашаан бөгөөд бариа засал, зүү төөнүүр, физик эмчилгээ болон хөдөлгөөнөөр эрүүлжүүлэх биеийн тамир, хийн дасгал, энергийн эмчилгээ хийж үйлчилнэ. Хордлого тайлах, ясны сийрэгжилт тодорхойлох,цахилгаан массажны орчин үеийн аппаратуудаар таныг оношилж эмчилнэ. Мэдрэл, эмэгтэйчүүд, хүүхэд, мэс засал, уламжлалт эмчилгээний эмч нар ажиллаж, тусламж зөвлөгөө өгдөг.

Энх-Үри эх нярайн сувилал

          0-3 сар хүртлэх нярай тус сувилалд үйлчлүүлэх боломжтой. Гурваас дээш сартай хүүхдүүд шааралддагтай тохиолдолд ирж эмчлүүлэх боломжтой. Өрөөний сонголтоос хамаараад хоногийн 150-280 мянган төгрөг.

Сорхун Эх нярайн сувилахуйн төв

          БНСУ-ын төрсний дараах сувилахуйн тусламж үйлчилгээний тусгай хөтөлбөрийг Монгол уламжлалт гам барих ёстой хослуулсан байдлаар үйлчлэх бөгөөд орчин үеийн тоног төхөөрөмжөөр бүрэн тоноглогдсон, амар амгалан орчин, тэнхрүүлэх олон төрлийн эмчилгээ, сувилгаа, арчилгааг хийн үйлчилдэг. Хэвтэн сувилуулагч эхчүүд нэг хүний өрөөнд тухлах бөгөөд автомат хөхний саалтуур, хөхүүл дэр, зориулалтын нярайн ор хэрэгсэл, хярзангийн олбог, хөлийн гишгүүр, халаад хувцас зэрэг эхчүүдэд хэрэгцээтэй зүйлсээр хангана.

Төлбөрийн хувьд нэг хоногийн 350-400 мянган төгрөг бөгөөд 14 болон 21 хоногийн багц санал болгодог.

ЭМД-аар хөнгөлөлттэй үнээр үйлчлэх амралт, сувиллын жагсаалт