Наадамчдын авто замаас Энхтайваны өргөн чөлөө хүртэлх авто зам, гүүрэн байгууламжийн ажлын талаар НЗХГ болон гүйцэтгэгч "Тотал Инж" ХХК-иас мэдээлэл өгч байна.

             Зургийн инженер Ч.Намшир "Би 2021 оноос эхлээд Яармагийн гол замын зураг төслийг хийж эхэлсэн. 70 мянган айл суурьшихад зориулсан зам ямар байх вэ гэдгийг их тооцоолж хийсэн.  Зураг төслөө гаргаад үе шат болгонд хянуулж, шалгуулна. Дэд бүтцийнхээ талаар зөвшилцөж, ярилцана. Шат шатандаа хэлэлцдэг. 70  мянга гаруй хүнд зориулсан зам нь яармагийн гол замтайгаа ижил ангиллын зам байна. Замын зургийг олон хувилбарыг зурж хурлаар оруулдаг. Баригдаагүй, усанд автсан гэж байгаа хэсэгт гүүр бий. Энэ гүүрний төлөвлөлтийн өндөр нь өөрчлөгдөнө.  Нураагаад дахиад баривал улсын мөнгийг шамшигдуулсан асуудал болно. Тиймээс гүүрээ одоогоор барихгүй. Монголд замын инженер байна уу, тэнэг инженер хийсэн л гээд байна. Тэр нь би байна. Тэнд нэг гүүр бариад нураах уу, төлөвлөсөн гүүрээ үргэлжлүүлэх үү гэдэг дээр ажиллаж байна. Манай гүүрний үерийн тооцоогоор гүүрнээс доошоо 50 сантиметр  үлдэж байвал үерийн ус багтана. Зураг дээр хангалттай харагдана, гүүр ус хоёрын хоорондох хэмжээ. Урд нь далан хийгдээгүй үеийн үерийг томруулаад яриад байгаад эмзэглэж байна" гэв.