Наадамчдын авто замаас Энхтайваны өргөн чөлөө хүртэлх авто зам, гүүрэн байгууламжийн ажлын талаар НЗХГ болон гүйцэтгэгч "Тотал Инж" ХХК-иас мэдээлэл өгч байна.

НЗХГ-ын Бодлого төлөвлөлтийн хэлтсийн ахлах мэргэжилтэн Б.Анхбаяр "Наадамчдын авто замаас Энхтайваны өргөн чөлөөтэй холбогдох төслийн талаар мэдээлэл хүргэе. Улаанбаатар хотын ерөнхий төлөвлөгөөний дагуу авто замын сүлжээ, хотын таван жилийн төлөвлөгөөнд тэр дундаа үндсэн автозамын бий болгох зорилт дэвшүүлсэн. Хотын шинэ тойрог замын төсөл. Энэ замуудыг холбох босоо тэнхлэгийн замуудыг хийх төсөл дөнгөж эхлэх шатандаа явж байгаа. Хамгийн түрүүнд туул голтой холбох, гүүрний ажил эхэлсэн. Мөн холбоос зам хийж байгаа. Энэ төслийн хүрээнд долоон том гүүр баригдана. Одоогоор гурван гүүрийг барьсан. Тухайн жил хөрөнгө, хүн хүчинд тохируулж хийж байгаа. Ганцхан зам бариагүй, инженерийн доор шугам сүлжээг сайжруулах ажил хийгдэж байгаа. Том төсөл ажил. Бүгдийг нь мэргэжлийн түвшинд  хийнэ.  Бидний зорьж байгаа замын сүлжээ нийт 17 км. Энэ зам хоногт 35-40 мянган тээврийн хэрэгслийн хүчин чадалтай " гэлээ.