Нийслэлийн онцгой комиссоос цаг үеийн нөхцөл байдалтай холбоотойгоор мэдээлэл өгч байна. Энэ үеэр Улаанбаатар хотын ерөнхий менежер бөгөөд Захирагчийн ажлын албаны дарга Ц.Төрхүү мэдээлэл өглөө.

       Тэрбээр “Сэлбэ голын далан, голын голдирол, бургасны талаар ярьж байна. Энэ бол инженерийн байгууламж. Инженерийн байгууламж дотор байгаа бургас, даг, хагшаасыг бид зөөж байгаа. 1966 оноос хойш сэлбэ голын даланг байгуулсан. Улаанбаатар хотод нийт 24 км даланг байгуулсан. Энэ жил 1.5 км төмөр хийцтэй далан хийнэ. Хүмүүс мод, бутыг устгаж байна гэсэн. Инженерийн байгууламж дотор мод, бургас байх ёсгүй. Хуульд заалттай байгаа. Сэлбэ болон Туул голын даланг зөв зохистой авч явах талаар монголын эрдэмтдийн хийсэн судалгаа байгаа. Бүх зүйл шинжлэх ухааны үндэстэй. Бид урьдынхаа алдааг давтахгүй байхыг хичээж ажиллаж байна. Өмнө жилийн үеийг давсан ус ирсэн ч бид эрсдэлгүй давсан. Энэ жил үерийн эрсдэл олон тохиох талаар мэдээлэл ирсэн. Тиймээс урьдчилж бэлдэж байна. Лаг шаврыг шөнийн цагаас зөөж байгаа. зарим бургасыг зөөж, шилжүүлж байгаа. Бургас авснаар үерийн эрсдэлийг бууруулна” гэв.