Соёлын салбарын цахим шилжилтийн хүрээнд хөгжүүлэлт хийгдсэн систем, шинээр нэвтрүүлж буй Дата удирдлага болон статистикийн системийг танилцуулах сургалтыг 2024 оны 5 дугаар сарын 27-30-ны өдрүүдэд зохион байгууллаа. Тус сургалтад Соёлын яамны харьяа байгууллагууд, аймаг, нийслэлийн соёл урлагийн газрууд, музей, номын сан, кино урлагийн зөвлөлийн цахимжилт болон статистик мэдээ, анхан шатны бүртгэл хариуцсан 794 ажилтан, албан хаагчид хамрагдлаа.

Сургалтаар соёлын салбарын цахим шилжилт, статистикийн системийн холбогдох модулиуд (байгууллагын модуль, ажлын орчин, хүний нөөцийн модуль, урын сан, сан хөмрөгийн модуль, үзвэр, үйлчилгээний модуль, үйлчлүүлэгчийн модуль, санхүү, эд хөрөнгийн модуль)-тай тус тус танилцаж, мэдээлэл оруулах болон баталгаажуулалтын талаар мэдлэг ойлголтыг өглөө.