Япон Каратэгийн Холбооны Монгол дахь салбарын хоёрдугаар каратэ семинар

2024-06-07, 381

JKA MONGOLIA буюу Япон Каратэгийн Холбооны Монгол дахь салбарын уламжлал болгон зохион байгуулж буй хоёр дахь удаагийн Каратэ семинар Япон Улсаас Монгол Улсад суугаа Элчин сайдын яамны дэмжлэгтэйгээр өчигдрөөс зургадугаар сарын 9-ны хооронд болж байна.

Энэхүү семинарыг нээж Уламжлалт каратэгийн холбооны ерөнхийлөгч Э.Мягмарцог Монгол дахь холбооны үндсэн дасгалжуулагч сэнсжй Жиованни Вирарди, ерөнхий менежер Э.Гэрэлтунгалаг нарт уламжлалт каратэг түгээн дэлгэрүүлж, каратэгийн ур чадвар, хичээллэгчдийн хувийн сахилга батыг дээшлүүлэх, олон нийтийн эрүүл чийрэг, идэвхтэй байхад уриалж хувь нэмрээ оруулж буй үйл явдалд талархал дэвшүүлээ.

Мөн Япон Улсаас Монгол Улсад суугаа онц бөгөөд бүрэн эрхт Элчин сайд ИГАХАРА МАСАРҮ, ЖАЙКАгийн Монгол дахь төлөөлөгчийн газрын дарга ТАНАКА ШИНИЧИ, Баянзүрх дүүргийн Засаг Даргын Тамгын газрын Хуулийн хэлтсийн дарга Мөнгөншагай нар нээлтийн үг хэллээ.

Семинарын багш болох Япон каратэгийн холбооны Токио дахь Төвийн үндсэн дасгалжуулагч, 6-р дан бүхий Чубачи Кожи сэнсэй нь каратэгийн дэлхийн аварга бөгөөд түүний хуваалцсан туршлага 2024 оны аравдугаар сард Япон Улснаа зохион байгуулагдах КАРАТЭГИЙН ДЭЛХИЙН АВАРГАД оролцох каратэчдэд маань гүн гүнзгий туршлага болно гэж итгэж байна. Уг семинарт Япон каратэгийн холбооны Монгол дахь салбарын каратэчид, Япон, Итали, Герман, ОХУ, зэрэг олон улсын нийт 120 гаруй оролцогчид оролцож байгаа юм. Оролцогчид асар их туршлага солилцож, мэдлэг чадвараа тэлж байна.

Энэхүү семинарын Зорилго нь JKA Mongolia-г үргэлжлүүлэн хөгжүүлж, уламжлалт JKA каратэг сурталчлах, каратэчдад ур чадвараа хөгжүүлэх, дэлхийн JKA нийгэмлэгтэй холбоогоо гүнзгийрүүлэх боломжийг олгох ба түүгээр дамжуулж JKA-н зорилго буюу семинарын оролцогчид урам зоригоор дүүрэн үнэ цэнэтэй туршлага хурааж, шинэ ойлголттой болж, ур чадвараа дээшлүүлж, уламжлалт JKA каратэгийн талаар илүү гүнзгий ойлголттой болсон. Эцэст нь хэлэхэд, энэ семинар нь Монгол болон олон орны каратэчдийг нэгтгэж, эрчимжүүлсэн сургалт, соёлын солилцоо, туршлага хуваалцах талбар болж буй ба JKA Mongolia-гийн ирээдүйн өсөлт хөгжилтийн үндэс суурийг тавьж, дадлагажигч нарын хоорондын холбоог улам бэхжүүлж байна.

Япон Каратэгийн Холбооны Монгол дахь салбарын хоёрдугаар каратэ семинар

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.