Цагдаагийн Ерөнхий газраас хар тамхи хэрэглэсэн байж болзошгүй дуучдын талаар мэдээлэл өглөө. Энэ үеэр ЦЕГ-ын Хэвлэл мэдээлэл олон нийттэй харилцах хэлтсийн дарга, дэд хурандаа Г.Пүрэвдэлгэр “Хүүхдүүдийг мансууруулах тамхи хэрэглэхийг далд хэлбэрээр сурталчилдаг олны танил репперүүдийг бүлэг зохион байгуулалтад орж, мансууруулах бодис хэрэглэж байсныг энэ сарын 5-нд Баянзүрх дүүргийн наймдугаар хороо, Баянгол дүүргийн 17, 19 дүгээр хорооны нутаг дэвсгэрээс баривчилж, мөрдөн шалгах ажиллагааг цагдаагийн байгууллагаас явуулж байна" гэв.