Биеийн тамир спортын сайд Б.Бат-Эрдэнэ цаг үеийн асуудлаар мэдээлэл өглөө. Тэрбээр “Би амьдралдаа сайн жишиг тогтоодог. Улсад 12 жил түрүүлж, сүүлийн найман жил тасралтгүй түрүүлээд өөрийгөө татчихсан. Үүнтэй адил таван удаа УИХ-д сонгогдон ажилласан. Цас зудтай үед ч ажилласан дараа нь УИХ, Засгийн газрын шийдвэрүүдийг танилцуулах ажлаар орон нутгаар явсан. Тийм учраас миний нэр хүнд Ерөнхий сайдын дараа байгаа. Бусдаасаа тасарсан гэсэн үг. Намын даргатай уулзаж, нэрээ татсан. Надад нэг удаа боломж олгооч гэж хаана ч хэнд ч хэлж байгаагүй. Намынхны өгсөн үүрэг даалгаврыг би хүлээсээр ирсэн” гэв.