Ашигт малтмалын тусгай зөвшөөрлийг шалгах Түр хорооны тов гарчээ. Сонсголын талаарх мэдээллийг Ц.Цэрэнпунцаг өглөө. Тэрбээр “Дөрөвдүгээр сард Хяналт шалгалтын түр хороо байгуулсан. 19 байгууллагаас Ажлын дэд хэсгийг бүрдүүлж ажилласан. Өнөөдрийн байдлаар Т.Доржханд нүүрсний сонсголын хяналт шалгалтын түр хороон дээр байгаа. Адьшаа гишүүн гадуур ажилтай тул ирж амжихгүй болсон. Ашигт малтмал хайх, ашиглах зориулалтаар газар тусгай зөвшөөрлөөр олгох татвар ногдуулах, хураахтай холбоотой үйл ажиллагаанд хяналт шалгалт хийх Түр хороо тавдугаар сарын 29, 30-нд  болохоор болсон. Тус сонсголд дуудагдах гэрчүүдийн нэрсийг жагсаасан болно. Сонсголын Түр хорооны гишүүн Б.Энх-Амгалан даргална. Сонсголын дөрвөн асуудал, найман сэдвээр явуулна. Энэ сарын 29-нд ашигт малтмал, хайх, ашиглах, газрын хэвлийг тусгай зөвшөөрлөөр олгох бүртгэх үйл ажиллгаа болно. Хоёрдугаарт, бичил уурхайгаар олборлолт олох журмын хэрэгжилт, ашигт малтмалын борлуулалт татвар ногдуулалт хийх хяналт, ашигт малтмалын нөөц ашигласан төлбөрийг тайлагнах, төлөх, хянах, хураах үйл ажиллагааны талаар хэлэлцэнэ. Гэрчээр дуудагдах хүмүүс гадаадын иргэд байгаа тул нэрс зарлахаар төөрөгдөлд орох эрсдэлтэй. Гадаадын иргэнийг төлөөлж монгол хүн сонсголд оролцоно” гэв.