Б.БААСАНХҮҮ: Унасан ч, давсан ч “Миний охин мундаг байлаа” гэж урамшуулдаг аав, ээждээ баярлалаа

2024-05-21, 302

АНЭУ-ын Абу Даби хотноо зохион байгуулагдаж буй эрэгтэйчүүдийн 37, эмэгтэйчүүдийн 28 дахь удаагийн Жүдо бөхийн ДАШТ-ий эхний өдөр эмэгтэйчүүдийн -48кг жинд Үндэсний шигшээ баг, “Сүлд” спорт хороо, “Импери” группийн тамирчин, ОУХМ Б.Баасанхүү дэлхийн аварга болсон билээ. Б.Баасанхүү аварга болсон баярын сэтгэгдлээ хуваалцаж байна.

Тэрбээр “Алтан медаль хүртсэндээ баяртай байна. Ах, эгч нарынхаа авч байсан медалийг хүртэх сайхан байлаа. Анх 15 настайдаа Хөвсгөл аймгийн Мөрөн сумын Дэлгэрмөрөн цогцолбор сургуулийнхаа багш дээр анх жүдогоор хичээллэж эхэлсэн. Зооны аварга дээр өмнө нь Азийн аварга шалгаруулах тэмцээнээр таарч байсан бөхтэйгөө таарсан. Өмнөх барилдааныхаа бичлэгүүдийг үзэж, багш нартайгаа барьц дээр илүү их ярилцсан. 2024 он гарснаас хойш Улсын аварга, Азийн аварга Гранд слам, Дэлхийн аваргад тус тус түрүүллээ. Дараагийнхаа тэмцээнд ч түрүүлэхийн тулд бэлтгэлээ сайн хийнэ. Монголын жүдо бөхийн холбоо, нарийн бичгийн дарга Б.Батгэрэл багш болон шигшээ багийнхаа багш, дасгалжуулагч Х.Болдоо, н.Баттулга захирал,“Импери” группийн захирал н.Энхбаатар ахдаа баярлалаа. Унасан ч, давсан ч “Миний охин мундаг байлаа” гэж урамшуулдаг аав, ээждээ баярлалаа” гэв.

Б.БААСАНХҮҮ: Унасан ч, давсан ч “Миний охин мундаг байлаа” гэж урамшуулдаг аав, ээждээ баярлалаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2024-05-21 10:52:16

зочин: Чамайг унагасан бүхэн багш чинь юм шүү. Санаж яваарай. Хамгийн сайн шавь бол багшийнхаа эрдмийг эзэмшсэн, багшаасаа илүү эрдэмтэй болсон шавь байдаг юм даа.