Манай сайтын зураглаач М.Бат-Эрдэнэ “Монголын шилдэг нийтлэл” цувралын “Эргэлт-88” ботийн нээлтийн баяраар “Ган үзэгтэн” боллоо. Тэрбээр өнгөрсөн гурван жилийн хугацаанд Эргэлт.мн мэдээллийн сайтад ажиллахдаа өдөр тутмын үйл явдлыг шуурхай дамжуулж, баярын тусгай нэвтрүүлэгүүд бэлтгэхээс гадна "Эргэлтийн номын сан" шилдэг бүтээлийн цуврал 10 боть, "Эргэлт" сэтгүүлийн гурван дугаар, "Эргэлт" сонин, "Дөрвөн өөр намар" яруу найргийн номын эх бэлтгэгчээр ажилласан билээ.

    Тэрбээр өнгөрсөн дөрөвдүгээр сард “Цөхөрлөө” гэрэл зургийн уралдаанд “Архинаас биш амьдралаас” гэрэл зургаараа тэргүүн байр эзэлсэн юм. Мөн “Эргэлтийн номын сан” шилдэг бүтээлийн “Ертөнц” номонд хүмүүний ертөнц, амьдралын эгэл жирийн хором, мөчүүд хийгээд аж байдлыг буулгасан, үйл явдлын халуун цэгээс хийсэн түүний сонирхолтой, содон гэрэл зургууд багтсан билээ. Эргэлт.мн мэдээллийн сайтын ном, сонин, сэтгүүл гээд өдөр тутмын постер бэлтгэхэд зориулдаг оюун санаа, чин сэтгэл, цуцашгүй хөдөлмөрөөрөө бусдыгаа манлайлдаг чадварлаг уран бүтээлч юм.

    М.Бат-Эрдэнийн эх бэлтгэгчээр ажилласан зарим бүтээлээс