Монгол Улсад ихрүүдийн баярыг 1990 оны тавдугаар сарын 1-ний өдрөөс тэмдэглэж эхэлжээ. Анхны ихрүүдийн баярт 57 ихэр оролцож байж. Ингээд ихрүүдийн талаарх зарим сонирхолтой баримтыг хүргэе.

Ихрүүдийн арьсны өнгө өөр байж болно

        Ихрүүдийн эцэг эхийн арьсны өнгө өөр бол тэдний өндгөн эс болон эр бэлгийн эсэд ялгаатай генетикийн мэдээлэл агуулагдаж байдаг. Ихрүүд хэдий ч хоёр өөр өнгийн арьстай байх тохиолдол маш олон гардаг ажээ.

Багадаа салсан ихрүүд ижил хувь тавилан туулах нь элбэг

     Та багадаа ямар нэгэн шалтгааны улмаас хагацсан ихрүүдийн талаарх түүх сонсож л байсан байх. Заримдаа энэ ижил төстэй байдал жирийн нэг тохиолдлын зүйлээс хэтэрсэн байдаг. Жишээ нь: ижил нэртэй хүмүүстэй гэрлэх, хүүхдүүддээ төстэй нэр өгөх, ижил мэргэжил эзэмших, нэгэн зэрэг өвдөх гэх мэт.

Нэг өндгөн эсийн ихрүүдийн генетикийн цуглуулга ижил байдаг

     Хэрэв нэг өндгөн эсийн ижилхэн ихэр хосууд (эрэгтэй ихрийн өрөөсөн, эмэгтэй ихрийн өрөөсөнтэй)  хүүхэдтэй болох юм бол хүүхдүүд нь үеэлүүдтэйгээ генетикийн хувьд ижил цуглуулгатай төрдөг байна.

Өндөр эмэгтэйчүүд ихэр хүүхэд төрүүлэх илүү магадлалтай

    Эмэгтэйчүүд нь дундаас дээш өндөртэй улс орнуудад ихэр төрөлтийн үзүүлэлт өндөр байдаг. Өндөр, нуруулаг хүмүүс нь өсөлтийн дааврын концентраци ихтэй. Эмэгтэй хүний биед өсөлтийн даавар ихээр ялгарах нь ихэр хүүхэдтэй болох магадлалыг нэмэгдүүлдэг ажээ.

Зарим ихрүүд бие биеийнхээ толины тусгал шиг байдаг

     Тэднийг “Толин ихрүүд” гэж нэрлэдэг. Ойролцоогоор ихэр төрөлтийн дөрөвний нэг нь эхийн хэвлийд байхдаа урвуу байрлалтай, яг л нэгнийхээ тусгал мэт бойждог. Тэдний нэг нь солгой бол нөгөө нь баруун гараараа бичдэг. Ийм толин тусгалын зарчмаар мэнгэ болон төрөлхийн толбо нь ч эсрэг байрлалтай байдаг.

Ихрүүдийг ялгах хамгийн зөв арга бол гарын хээнээс гадна хүйс гэнэ. Учир нь хүйс бол байгалиас тогтсон хэлбэргүй, эмч нарын хэрхэн хайчилснаас үүсдэг зүйл юм.

Ихрүүд өөр өөр эцгийнх, бас өөр өөр үндэс угсаатай байх боломжтой

Сар бүр эмэгтэй хүний бие организмд нэг эр бэлгийн эстэй нийлэх боломжтой нэг өндгөн эс боловсорч байдаг. Гэсэн хэдий ч заримдаа хоёр өндгөн эс боловсорч, тус бүр өөр өөрийн эр бэлгийн эстэй нийлж, үр хөврөл болох тохиолдол гардаг байна. Мөн үр шилжүүлэн суулгах явцад гарсан алдаанаас үүдэж хоёр өөр эцгийнх, тэгээд бүр хоёр өөр арьсны өнгөтэй төрөх тохиолдол бий.

Ихрүүд яг адилхан төрхтэй, бүх зүйлээрээ адилхан байлаа ч хурууны хээ давтагдашгүй