ХЗДХ-ийн дэд сайд Б.Солонгоо цаг үеийн асуудлаар мэдээлэл хийлээ. Тэрбээр С.Зоригийн хэрэгт сэжиглэгдэн шалгагдаж байсан Т.Чимгээ, Б.Содномдаржаа нарын эрх ашгийг хамгаалах Ажлын хэсгийг  тэрбээр ахалж байгаа билээ. Харин   өнөөдрийн хуралдаанаар "Т.Чимгээ, Б.Содномдаржаа нарыг эрүүдэн шүүсэн асуудлыг Төрийн нууцаас гаргах шаардлагатай. Т.Чимгээ өөрт учирсан хохирлыг үндэслэн 48 тэрбум төгрөгийг нэхэмжилж байгаа. Энэ бол иргэний нэхэмжилж байгаа дүн. Нөхөн төлбөрийн асуудлыг шүүх шийдвэрлэнэ. Нөгөө талаас Эрүүгийн хэрэг хянан шийдвэрлэх тухай хуульд заасны дагуу нөхөн төлбөрийг төрөөс төлөх шаардлагатай. Хэрэв шүүхээс нөхөн төлбөрийг төлөх ёстой гэсэн шүүхийн шийдвэр гарвал буруутай этгээдүүдээр нөхөн төлүүлэх асуудлыг зайлшгүй ярих ёстой" гэв.