Улсын арслан М.Бадарчид холбогдох арбитрын шүүх хурал өчигдөр эхэлж, хоёр өдрөө үргэлжилж байна. Тус хуралд улсын арслан М.Бадарч оролцож байгаа аж. Тэрбээр" Миний барилдах эрхийг дөрвөн жилээр хассан гэх албан бичиг, шийдвэр одоо болтол надад ирээгүй. Надад тавын даваагаа 800 саяар наймаалцчих гэдэг санал ирсэн. Би дотроо тэр хүмүүсийг энэ асуудалтай холбоотой гэж хардаж байгаа. Хүний нэрийг тодорхой дурдмааргүй байна" гэв.

     Эргэн сануулахад, М.Бадарчаас S1 төрлийн сэргээшийн төрлийн бодис илэрсэн байдаг. Иймд тэрбээр арбитрын шүүхэд хандсан билээ.