"Булган аймгийн Хутаг-Өндөр сумын дотуур байрны унтлагын хэсэгт хяналтын камер суурилуулсан байжээ" гэх мэдээлэл олон нийтийн сүлжээгээр цацагдсан. Энэ талаар тус сургуулийн захирал Ж.Ариунаагаас тодрууллаа.

    Тэрбээр “Манайх нэг дотуур байртай. Хүүхдийн тасагт хяналтын камер суурилуулаагүй. "Хурд" агентлагынхан худал мэдээлэл тараасанд бид гомдолтой байна. Тус байгууллагатай албан ёсоор холбогдож, залруулга хийлгэх хүсэлтэй байна. Манайх өнгөрсөн жил сумын Гэмт хэрэг, зөрчлөөс урьдчилан сэргийлэх салбар зөвлөлийн 2.8 сая төгрөгийн санхүүжилтээр найман хяналтын камер дотуур байрандаа суурилуулсан. Гадаа болон үүдэн хэсэгт тус бүр хоёр, дээд, доод давхрын коридорт дөрвөн камер суурилуулсан. Мөн дотуур байрны гал тогоонд нэг камер байдаг. Түүнийг мэргэжлийн хүмүүс хянаж, шалгаад зөрчилгүй байна гэж үзсэн” гэв.