2024 оны Ази тивийн аварга шалгаруулах тэмцээн Узбекистан улсын Ташкент хотноо амжилттай зохион байгуулагдаж 12 орны 357 тамирчид нийт есөн насны ангиллаар 100-н буудалт даамын үндсэн, 100 болон 64 буудалт даамын блиц, рапид, турк төрлүүдээр өрсөлдлөө. Баянгол сургуулийн даамчид тус тэмцээнд амжилттай оролцож, А.Алтанзагас багштай 3б ангийн сурагч Э.Амгалантөр Алтан цомын эзэн, Ази тивийн аварга болжээ.

     Мөн 10в ангийн сурагч Б.Бат-Ирээдүй долдугаар байр, 6б ангийн сурагч О.Өсөхбаяр дөрөвдүгээр байр эзэлжээ.

      Ази тивийн аварга төрүүлсэн дасгалжуулагч Даамны спортын дэд мастер, Турк даамны Ази тивийн аварга, тэргүүлэх багш Б.Лхагвасүрэн болон амжилттай оролцсон бяцхан шавь нарт нь илүү их амжилт гаргахыг хүсэн ирээдүйд дэлхийн аварга болох ерөөл дэвшүүлье.