Онцгой байдлын ерөнхий газрын дарга Г.Ариунбуян мэдээлэл өглөө. Тэрбээр “Сүүлийн таван сарын хугацаанд онцгой байдлын алба хаагчид албан үүргээ гүйцэтгэж байхдаа амь насаа алдсан хэд хэдэн тохиолдол бүртгэгдсэн. “Миний” дэлгүүрт гарсан галд дотоод хяналтын багаар шалгалт хийлгэсэн. Үүгээр хөдөлмөрийн аюулгүй ажиллагаа алдсан, хамгаалах хувцас хэрэглэлээ дутуу өмссөн, галын хайгуул хийх явцдаа алдаа гаргасан эсэх нь нотлогдож тогтоогдохгүй байна. Энэ чиглэлээр цагдаа, прокуророос хэргийн газрын үзлэгээ хийсэн. Харин бидний үзлэг шалгалтаар алба хаагч маань албан үүргээ гүйцэтгэж яваад л амиа алдсан болж байгаа юм.

   Иргэд маань онцгойнхны ажил хэрхэн үргэлжилж, утаажилтын бүсээс хэрхэн хайгуул хийдгийг сайн мэдэхгүй байна. Ер нь бол улаан гараараа гамшгийн голомт руу ордог нэг ч тохиолдол байхгүй. Энэ бол манай ард түмний аман ярианы, хүнд хүчир ажил гэдгийг илтгэх гэсэн үг. Бид дахин ашиглах боломжгүй болсон баг зүүсгэлийг шууд акталж устгалд оруулдаг. Тухайн алба хаагч Франц улсад үйлдвэрлэсэн иж бүрэн хувцас хэрэгсэлтэйгээр ажлаа гүйцэтгэж байсан. Тухайн алба хаагчийг тэтгэвэрт гарах хүсэлтээ удаа дараа өгсөн гэдэг нь нотлогдохгүй байгаа. Тэтгэврээ тогтоолгох хүсэлт тухайн анги байгууллага, нийслэлийн онцгой, ерөнхий газар гээд хаана ч байхгүй байгаа юм.

   Хөгжсөн оронд галын түймэрт робот ашигладаг гэдэг нь судалгааны туршилтын ажлууд байдаг. Бид судалж байгаа. Бид ч мөн туршихаар судалд байгаа. Амиа алсан алба хаагчийн ар гэрт 10 жилийн үндсэн цалинтай тэмцэх хэмжээний тусламжийг олгосон” гэлээ