Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжилж байна. Өнөөдрийн сонсголоор Эмийн чанарын хяналтын тогтолцоо, цувралын хяналт, эмийн чанарыг шинжлэх лабораторийн хүчин чадал, өнөөгийн нөхцөл байдал, зонхилох тохиолдох өвчинд хэрэглэх зарим эмийн шинжилгээний дүн зэрэг асуудлаар сонсгол үргэлжилнэ. Энэ үеэр Гаалийн төв лабораторийн дарга н.Цэрэнчимэд үг хэллээ.

        Тэрбээр “Улсын хилээр орж ирж байгаа дотоодын эмийн түүхийн эдийн үйлдвэрлэгч, эмийн түүхийн эд үйлдвэрлэдэг ААН-үүдэд гаалийн төв лаборатори, салбар лаборатори хил дээр болон орж ирэхэд нь шинжилгээ хийдэг. 2020-2024 оны байдлаар нийт 11 ААН-ийн шинжилгээг хийсэн. Нийт 892 дээжид шинжилгээ хийсэн үүний 20 дээж нь зөрчилтэй гарсан. Бид шинжилгээ хийхдээ химийнх нь бүтэц, найрлагыг нь тодорхойлдог. Одоогийн лабораторийн хүчин чадал тааруу байгаа” гэв.